Նախագիծը ներառում է ՅՈՒՆԵՍԿՕ ներկայացվող անվանակարգման հայտի պատրաստումը, ինչպես նաև ապագա կենսոլորտային տարածքի արդյունավետ կառավարման համար անհրաժեշտ գիտական, կառավարչական և համագործակցային հիմքերի ձևավորումը։ Այն հիմնված է իրականացված բնապահպանական, սոցիալ-տնտեսական և մշակութային գնահատումների վրա՝ նպաստելով բնության պահպանության և տարածաշրջանի կայուն զարգացման հավասարակշռմանը։

​

Նպատակը

Ստեղծել գիտական և կառավարչական հիմքեր՝ «Դիլիջան կենսոլորտային տարածք»-ի ՅՈՒՆԵՍԿՕ-ի կենսոլորտային տարածքների համաշխարհային ցանցում ընդգրկման և երկարաժամկետ արդյունավետ գործունեության ապահովման համար։

​

Հիմնական սկզբունքը/ գործողությունները 

• ՅՈՒՆԵՍԿՕ-ի անվանակարգման գործընթացի աջակցում – մշակել կենսոլորտային տարածքի անվանակարգման հայտը՝ հիմնված մասնագիտական ուսումնասիրությունների, գնահատումների և շահակիցների հետ համագործակցության վրա։

• Համապարփակ գնահատում և պլանավորում – ուսումնասիրել տարածքի բնապահպանական, մշակութային և սոցիալ-տնտեսական արժեքները, սահմանել գործառնական գոտիները և կառավարման մոտեցումները։

• Շահակիցների ներգրավում և կառավարման համակարգի ձևավորում – զարգացնել համագործակցությունը պետական կառույցների, գիտական համայնքի, տեղական ինքնակառավարման մարմինների, համայնքների և այլ գործընկերների միջև։

• Կայուն զարգացման և պահպանության լուծումներ – խթանել կենսաբազմազանության պահպանության, կլիմայական դիմակայունության, բնապահպանական կրթության և բնական ռեսուրսների կայուն օգտագործման ինտեգրված մոտեցումները։

​

Արդյունքը

Նախագծի արդյունքում կձևավորվեն «Դիլիջան կենսոլորտային տարածք»-ի անվանակարգման և հետագա գործունեության համար անհրաժեշտ գիտական, կառավարչական և համագործակցային հիմքերը։ Այն կնպաստի կենսաբազմազանության պահպանությանը, տարածաշրջանի կայուն զարգացմանը, տեղական գործընկերությունների ամրապնդմանը և բնության պահպանության ու մարդկային բարեկեցության համադրման միջազգային օրինակելի մոդելի ձևավորմանը։